वृत्तसंस्था: ब्लादिमीर पुतिन यांनी मंगळवारी पाचव्यांदा रशियाचे राष्ट्राध्यक्ष म्हणून पाचव्यांदा शपथ घेतली आहे. क्रेमलिनमध्ये एका भव्य कार्यक्रमात ७१ वर्षीय पुतिन यांनी आपल्या पाचव्या कार्यकाळाची सुरुवात केली. विरोधकांना चिरडल्याचे आरोप केले जात असतानाच पुतिन पुन्हा सत्तेच्या सिंहासनावर विराजमान झाले आहेत. गेल्या काही दिवसांपासून पुतिन सत्तेत आणखी मजबूत होताना पाहायला मिळत आहेत. कार्यकाळात अनेक आव्हानांचा त्यांना सामना करावा लागत आहे. युक्रेनसोबत सुरू असलेले युद्ध पुतिन यांच्यासाठी आव्हानात्मक ठरले आहे.
पुतिन यांचे प्रमुख विरोधक एलेक्सी नवलनी यांचा गूढ परिस्थितीत मृत्यू झाल्यानंतर मार्चमध्ये झालेल्या या निवडणुका फक्त दिखावा असल्याचे पाश्चिमात्य देशांनी म्हटले होते. रशियामध्ये पुतिन यांचे विरोधक एकतर जेलमध्ये आहेत किंवा देश सोडून पळून गेले आहेत.