આઇસીસી ચેમ્પિયન ટ્રોફી 2025ને લઇ 29 નવેમ્બરે એટલે કે આજે આઇસીસીની બેઠક યોજાશે. આ બેઠકમાં ભારતીય ક્રિકેટ બોર્ડ અને પાકિસ્તાન ક્રિકેટ બોર્ડ સહિત બાર્ડના તમામ સભ્યો હાજર રહેશે. વાસ્તવમાં પાકિસ્તાન ચેમ્પિયન્સ ટ્રોફીનું આયોજન કરી રહ્યું છે. પરંતુ ભારતીય ટીમે પાકિસ્તાન પ્રવાસ કરવાનો ઇન્કાર કરી દીધો છે. તે માટે જ બેઠકનું આયોજન કરવામાં આવ્યું છે.
પીસીબી હાઇબ્રિડ મોડલ માટે તૈયાર નથી.
એક અહેવાલ મુજબ પાકિસ્તાન ક્રિકેટ બોર્ડે આઇસીસીને જાણ કરી છે કે તે હાઇબ્રિડ મોડેલનો સ્વિકાર નહી કરે. અને બેઠર દરમિયાન આ બાબતે ચર્ચા ન કરવા પણ કહ્યું છે. એક સૂત્રએ પીટીઆઈને કહ્યું, 'હું પુષ્ટી કરી શકું છું કે પીસીબીએ થોડા કલાકો પહેલા આઈસીસીને કહ્યું હતું કે ટૂર્નામેન્ટનું હાઇબ્રિડ મોડલ સ્વીકાર્ય નથી.'