અમદાવાદમાં ફરી એકવાર રાજપૂત સમાજનું શક્તિ પ્રદર્શન જોવા મળશે. ગોતા રાજપૂત ભવન પર સમસ્ત ક્ષત્રિય શક્તિ અસ્મિતિ મંચનું આયોજન કરવામાં આવ્યું છે. આ સંમેલનમાં ભાવનગરમાં મહારાજા સહિત અનેક રાજપૂત સમાજનાં રાજકીય આગેવાનો તેમજ ગુજરાતના રાજપુતો પણ હાજર રહ્યા હતા.
સમસ્ત ક્ષત્રિય સમાજને એક કરવાનાં ઉદ્દેશ્ય સાથે આજે અમદાવાદનાં ગોતા ખાતે આવેલ રાજપૂત ભવન ખાતે ક્ષત્રિય સમાજનાં ભવ્ય સંમેલનનું આયોજન કરવામાં આવેલ છે. ક્ષત્રિય સંમેલનમાં ભાવનગરનાં મહારાજા વિજયરાજસિંહ ગોહિલ પહોંચતા તેઓનું ઢોલ-નગારા સાથે સ્વાગત કરવામાં આવ્યું હતું. તેમજ આ સંમેલનમાં પ્રમુખ તરીકે ભાવનગરનાં મહારાજા વિજયરાજસિંહજી ગોહિલની તાજપોશી કરવામાં આવશે. ક્ષત્રિય સમજમાં અધ્યક્ષની પણ પસંદગી કરવામાં આવશે.
અમદાવાદ ખાતે યોજાનારા ક્ષત્રિય સમાજનાં શક્તિ પ્રદર્શન યોજાવાનું છે. ગોતા ખાતે રાજપૂત ભવનમાં સમસ્ત ક્ષત્રિય શક્તિ અસ્મિતા મંચ દ્વારા સંમેલનનું આયોજન કરવામાં આવેલ છે. ભાવનગરનાં પૂર્વ રાજવી વિજયરાજસિંહ ગોહિલની અધ્યક્ષતામાં સંમેલન યોજાનાર છે. રાજપૂત સમાજનાં આગેવાનો પણ સંમેલનમાં હાજર રહેશે. તેમજ મહારાજા કૃષ્ણકુમારસિંહજીને ભારત રત્ન આપવા સમાજની માંગ છે. તેમજ એક જ સ્થળે ક્ષત્રિયકુળોનાં કુળદેવીનાં મંદિર બનાવવા માટે આયોજન કરવામાં આવનાર છે.