કપડવંજ ટાઉન પોલીસે એન્ટીક વાસણોની ચોરી કરતી ગેંગને મુખ્ય સુત્રધાર સાથે ઝડપી
લાંબીશેરીના મકાનમાં ચોરી કરેલ મુદ્દામાલ સાથે ગણતરીના કલાકોમાં ઝડપી પાડી ગુનાનો ભેદ ઉકેલ્યો
ગત ૦૨ માર્ચના રોજ કપડવંજ લાંબીશેરીમાં આવેલ બંધ મકાનમાંથી એન્ટિક વાસણોની ચોરી થઈ હતી. કપડવંજ ટાઉન પોલીસને ચોરી થયેલ મુદ્દામાલ સાથે ત્રણ આરોપીઓને ઝડપી પાડવામાં સફળતા મળી હતી.
ખેડા જિલ્લા પોલીસ અધિક્ષક રાજેશ ગઢીયા, નાયબ પોલીસ અધિક્ષક કપડવંજ વી.એન.સોલંકી નાયબ પોલીસ અધિક્ષક તરફથી મિલ્કત સબંધી ગુનાઓ બનતા અટકાવવા તેમજ આવા બનેલ બનાવોના ભેદ ઉકેલવા સુચનો થયેલ હતાં. ગત તા.૦૨ માર્ચ ૨૦૨૫ ના રોજ કપડવંજ લાંબીશેરીમાં ફરીયાદી જયેશભાઈ અજીતભાઈ પરીખ રહે. કરશનપુરા, જીનવાલાની બાજુમાં મુ.તા.કપડવંજ જી.ખેડાના બંધ મકાનમાં મુકેલ તાંબા, પિત્તળ તથા જર્મન સીલ્વર ધાતુના નાના મોટા એન્ટીક વાસણો કિ.રૂ.૧,૯૨,૩૦૦/- ની રાત્રીના સમયે કોઈ ચોર ઇસમો દ્વારા ચોરી કરેલાની ફરીયાદ આધારે કપડવંજ ટાઉન પોલીસ સ્ટેશનમાં પાર્ટ A ગુ.ર.નં.૧૧૨૦૪૦૨૬૨૫૦૦૯૧/૨૦૨૫ BNS ૨૦૨૩ ની કલમ ૩૦૫ (A), ૩૩૧ (૪) મુજબનો ગુનો નોંધી તપાસ પોલીસ ઈન્સ્પેકટર જનકસિંહ દેવડાએ હાથ ધરેલ હતી. તપાસ દરમ્યાન ચોરી થયા તારીખના કપડવંજ નગરમાં લગાવવામાં આવેલ CCTV ફુટેજની તપાસણી કરવા સારૂ પોલીસ સ્ટેશનના સર્વેલન્સ સ્કોડના પોલીસ માણસોને સુચના કરવામાં આવેલ જે અન્વયે આશરે ૩૫ જેટલા CCTV ફુટેજની સ્ક્રુટીની કરતા તેમાં એક વાદળી કલરની અતુલ શક્તિ રીક્ષાની શકમંદ હિલચાલ જણાઇ આવેલ હતી. જે આધારે હ્યુમન ઇન્ટેલીજન્સ તેમજ ટેક્નીકલ સર્વેલન્સથી રીક્ષાની ઓળખ કરી રીક્ષાના માલિકને ઝડપી તેને વિશ્વાસમાં લઇ પુછપરછ કરતા તેણે વડોદારા ખાતેના તેઓના સબંધીઓને સાથે રાખી ફરીયાદીના ઉપરોક્ત બંધ મકાનની રેકી કરી રાત્રીના સમયે ધાતુના વાસણોની ચોરી કરેલ હોવાની કબુલાત કરતા તાત્કાલીક પોલીસ ટીમ રવાના કરી આરોપીઓ મુદ્દામાલ સગેવગે કરે તે પહેલા ગુનાના બીજા બે આરોપીઓ વડોદરા શહેર ખાતેથી તેઓએ ચોરી કરેલ ઓરીજનલ મુદ્દામાલ સાથે ગુનામાં વાપરેલ વાહન અતુલ શક્તિ રીક્ષા સાથે ઝડપી પાડવામાં આવેલ તેમજ બાકીના તાંબા, પિત્તળ, ધાતુના વાસણોને વડોદરા ખાતે વાસણના વેપારીને વેચાણ કરેલ હતાં ત્યાંથી મુદ્દામાલ રીકવર કરવામાં આવેલ છે. આમ, ઘરફોડની ચોરીની ફરીયાદ મળ્યાના ગણતરીના કલાકોમાં કપડવંજ ટાઉન પોલીસના ટીમ વર્કથી ગુનાનો ભેદ ઉકેલી ચોરીના મુદ્દામાલ સાથે આરોપીઓને ઝડપી પાડી કપડવંજ ટાઉન પોલીસ સ્ટેશન ટીમ દ્વારા પ્રસંશનીય કામગીરી કરી હતી.
આ ગુનામાં આરોપીઓ (૧) અજયભાઇ સ/ઓ રમેશભાઈ ગોપાલભાઈ વાઘરી ઉ.વ.૩૩ રહે.મૂળ મોતીપુરા, મીઠીકુઇ, મુ.તા.કપડવંજ જી.ખેડા હાલ રહે.ભૂતખાબડા રોડ ઉપર, મુ.તા.કપડવંજ જી.ખેડા (મુખ્ય સુત્રધાર રીક્ષા માલીક) (૨) રાજ સ/ઓ કંચનભાઈ કાળીદાસ વાઘરી ઉ.વ.૨૧ રહે.મૂળ જલારામનગર, મહાનગર સામે, પ્રતાપનગર, વડોદરા હાલ રહે. એકતાનગર, બોરસદ ચોકડી, આણંદ (૩) મનસુખભાઇ ઉર્ફે મનિષ વિષ્ણુભાઇ દંતાણી ઉ.વ.૨૪ રહે. પાણીની ટાંકી પાસે, ઝૂંપડપટ્ટી જી.આઇ.ડી.સી.રોડ, મકરપુરા, વડોદરા શહેરને પકડવામાં આવ્યાં છે. આરોપીઓ પાસેથી કબ્જે કરેલ મુદ્દામાલમાં (૧) આરોપીઓએ ગુનામાં ચોરી કરેલ અલગ અલગ ધાતુના વાસણો તથા ઓગાળેલ પિત્તળ ૪૮ કિલોની કુલ્લે કિ.રૂ.૧,૪૩,૦૦૦/- (૨) અતુલ શક્તિ રિક્ષા નં. GJ 07 AT 8137 કિ.રૂ.૧,૦૦,૦૦૦/- કબ્જે કરવામાં આવ્યો છે.
આરોપીઓ (૧) રાજ સ/ઓ કંચનભાઈ કાળીદાસ વાઘરી નાઓની વિરૂદ્ધમાં માંજલપુર પોલીસ સ્ટેશન વડોદરા શહેર પાર્ટ એ ગુ.ર.નં.૧૧૧૯૬૦૦૩૨૧૦૬૩૪/૨૦૨૧ ઇ.પી.કો.કલમ ૩૮૦ મુજબનો વાસણ ચોરીનો ગુનો નોંધાયેલ છે. (૨) મનસુખભાઇ ઉર્ફે મનિષ વિષ્ણુભાઇ દંતાણી નાઓની વિરૂદ્ધમાં નડીયાદ ટાઉન પોલીસ સ્ટેશન ખેડા-નડીયાદ પાર્ટ એ ગુ.ર.નં.૧૧૨૦૪૦૪૬૨૪૦૬૦૩ /૨૦૨૪ બી.એન.એસ.કલમ ૩૦૫ (એ) મુજબનો વાસણ ચોરીનો ગુનો નોંધાયેલ છે. વૉન્ટેડ આરોપીઓમાં (૧) વિક્કી વિજયભાઇ ગોદરીયા (દેવીપુજક) રહે. જલારામનગર, મહાનગર સામે ડભોઇ રોડ,વડોદરા (૨) વિજયભાઇ ઉર્ફે વિજલો દેવીપુજક રહે.જલારામનગર, મહાનગર સામે, ડભોઇ રોડ, વડોદરાને પકડવા માટે પોલીસે ચક્રો ગતિમાન કર્યા છે. આરોપીઓ અલગ અલગ શહેર વિસ્તારમાં આવેલ જુના બંધ મકાનોની રેકી કરી રાત્રીના સમયે આવી નક્કી કરવામાં આવેલ જગ્યાએ તમામ આરોપીઓ ભેગા મળી આવી મકાનના દરવાજાના નકુચાઓ તોડી જુના તાંબા પિત્તળ વિગેરે ધાતુના વાસણોની ચોરી કરી વાસણના વેપારીઓને પોતાના વાસણો હોવાનું જણાવી વેચાણ કરતા હતા. અગાઉ પણ આવા વાસણ ચોરીના ગુનાઓમાં પકડાયેલ છે.
આ ગુનામાં પોલીસ ઈન્સ્પેક્ટર જનકસિંહ દેવડા, પી.એસ.આઈ જે.એસ.ચંપાવત, હે.કો હેમંતકુમાર દશરથભાઇ, હે.કો. વનરાજસિંહ શંકરસિહ ,હે.કો દિનેશભાઈ ઉકળભાઇ, આ.પો.કો. અતુલકુમાર કનુભાઇ, પો.કો. હાર્દિકકુમાર ધનજીભાઈ,પો.કો. મનોજકુમાર વાલજીભાઈ,પો.કો. વિરલસિંહ રણવિરસિંહ, પો.કો પ્રવિણસિંહ રમેશભાઇએ સફળ કામગીરી કરી હતી.
सहयोग करें
हम देशहित के मुद्दों को आप लोगों के सामने मजबूती से रखते हैं। जिसके कारण विरोधी और देश द्रोही ताकत हमें और हमारे संस्थान को आर्थिक हानी पहुँचाने में लगे रहते हैं। देश विरोधी ताकतों से लड़ने के लिए हमारे हाथ को मजबूत करें। ज्यादा से ज्यादा आर्थिक सहयोग करें।
ताज़ा खबरों की अपडेट अपने मोबाइल पर पाने के लिए डाउनलोड करे सुदर्शन न्यूज़ का मोबाइल एप्प