BSF Bus Accident: जम्मू – काश्मीरच्या बडगाम जिल्ह्यात बसचा एक मोठा अपघात झाला आहे. सीमा सुरक्षा दलाच्या जवानांनी भरलेली बस दरीत कोसळली. या अपघातात तीन जवान हुतात्मा झाले आहे. बस कोसळल्याचे पाहताच स्थानिक लोक मदतीसाठी धावले. पोलीस देखील घटनास्थळी पोहोचले असून अपघाताचा तपास सुरू आहे. जवळपास २४ जवान जखमी झाले आहे.
अपघाताचे वृत्त कळताच स्थानिक लोक तातडीने मदतीसाठी धावले. अधिकाऱ्यांनी दिलेल्या माहितीनुसार बसमध्ये 36 जवान होते. रस्त्यावरून बस घसरली आणि खाली कोसळली. जखमी जवानांना रुग्णालयात भरती करण्यात आले आहेत. घटनास्थळी पोलीस पोहोचले असून ते तपास करत आहेत.
अपघातस्थळी बचावकार्य सुरू करण्यात आले असून जखमींना खानसाहीब आणि बडगाम रुग्णालयात दाखल करण्यात आले आहे. ही बस दक्षिण काश्मीरमधील पुलवामा येथून दुसऱ्या टप्प्यातील निवडणुकीसाठी बडगामकडे येत असताना हा अपघात झाला. बसमधील ३५ जवानांपैकी सहा जण गंभीर जखमी झाले आहेत. ही बस खान साहिब वाटरहॉल पोलीस चौकीवर जात होती. साधारणपणे ५ वाजण्याच्या सुमारास पोलीस चौकीपासून केवळ ६०० मीटर दूर असतानाच हा अपघात झाला.