नवी दिल्ली: दिल्लीचे मुख्यमंत्री अरविंद केजरीवाल यांना दिल्लीतील राऊज ऍव्हेन्यू न्यायालयाने दिलासा दिला आहे. कथित मद्य घोटाळ्याप्रकरणाशी संबंधित मनी लॉन्ड्रिंग प्रकरणी त्यांना जामीन मंजूर करण्यात आला आहे. त्यांच्या जामिनाला स्थगिती देण्याची ईडीची याचिका न्यायालयाने फेटाळून लावली आहे. केजरीवाल यांची आणि २१ जून तिहारमधून सुटका होणार आहे. कारणावरून केजरीवाल यांनी जामिनात वाढ करून देण्याची मागणी केली होती. मात्र, त्यांची ही विनंती फेटाळण्यात येऊन २ जून रोजी त्यांना सरेंडर करण्याचे आदेश देण्यात आले होते. तेव्हापासून ते तिहार तुरुंगातच होते.
यानंतर पुन्हा त्यांनी राउज एवेन्यू न्यायालयांत जामिनासाठी याचिका दाखल केली होती. त्यावरील सुनावणी दरम्यान गुरुवारी त्यांना जामीन मंजूर करण्यात आला. विशेष न्या. न्याय बिंदू यांच्या खंडपीठाने केजरीवाल यांना एक लाखांच्या वैयक्तिक जातमुचलक्यावर हा जामीन मंजूर केला. केजरीवालांना जामीन मंजूर झाल्यानंतर या आदेशाला वरच्या न्यायालयात आव्हान देता यावे यासाठी ईडीने बेल बॉण्डवर सही करण्यासाठी ४८ तासांची वेळ मागितली होती. मात्र, या आदेशाला स्थगिती दिली जाणार नाही, असे न्यायालयाने सांगितले.