अहिल्यानगर: संगमनेर येथील लव्ह जिहाद प्रकरणात खा. निलेश लंके यांनी संबंधित घटनेतील मुख्य आरोपी दाऊद शेख हा शरद पवार गटाचा असल्याकारणाने त्याला वाचवण्यासाठी पोलिसांवर दबाव आणल्याचे समजले होते. यासंदर्भात खा. निलेश लंके यांच्याकडे सुदर्शन मराठीने संपर्क साधला असता त्यांनी स्पष्टीकरण दिले, की 'संगमनेर येथील लव्ह जिहाद प्रकरणी त्यांनी कोणत्याही प्रकारे पोलिसांवर दबाव आणलेला नाही. मी बेकायदेशीर कामांना पाठिंबा देत नाही. त्यामुळे एखाद्या बेकायदेशीर कामासाठी पोलिसांवर मी दबाव आणला, असे सांगून एखाद्या प्रकरणाशी माझा संबंध जोडू नका' असे त्यांनी म्हणले आहे.
संगमनेरमधील लव्ह जिहाद प्रकरणी मी पोलिसांवर दबाव आणल्याचे वृत्त चुकीचे असल्याचे त्यांनी स्पष्ट केले आहे. तसेच असे काही घडले असेल, तर त्यासंदर्भात पुरावे सादर करावे, मी कोणत्याही पोलीस अधिकाऱ्याला किंवा पोलिस कर्मचाऱ्याला या घटनेसंदर्भात संपर्क केलेला नाही, असेही त्यांनी स्पष्ट केले.