જો આપણે પીએમ મોદીની આ મુલાકાત વચ્ચે ભારતીય વડાપ્રધાનોના ઈતિહાસ પર નજર કરીએ, તો પ્રથમ પીએમ જવાહર લાલ નેહરુ એ તેમના કાર્યકાળ દરમિયાન 4 વખત અમેરિકની મુલાકાત કરી હતી. પીએમ મોદી સહીત અત્યાર સુધી કુલ 9 ભારતીય પ્રધાનમંત્રીએ અમેરીકાની મુલાકાત કરી છે.
ભારત વિદેશ મંત્રાલય (MEA) એ મંગળવારે માહિતી આપી છે કે વડાપ્રધાન નરેન્દ્ર મોદી તા.21 થી 23 સપ્ટેમ્બર સુધી અમેરિકાનો પ્રવાસ કવના છે. આ દરમિયાન વડાપ્રધાન મોદી તા.21 સપ્ટેમ્બરે ડેલાવેરના વિલ્મિંગ્ટનમાં આયોજિત ક્વોડ લીડર્સની ચોથી સમિટમાં ભાગ લેશે. આ કોન્ફરન્સનું આયોજન અમેરિકન રાષ્ટ્રપતિ જો બાઇડેનની અધ્યક્ષતામાં થવાનું છે.
મળતી માહિતી મુજબ, ન્યૂજર્સીમાં 22 સપ્ટેમ્બરે પીએમ મોદીના મેગા ઈવેન્ટમાં ભારતીય સમુદાયના 24,000થી વધુ લોકો હાજરી આપશે. આ ઈવેન્ટનું નામ છે 'મોદી અને અમેરિકાની પ્રગતિ એક સાથે થશે'. અમેરિકાના 50માંથી 42 રાજ્યોમાંથી ભારતીય મૂળના નાગરિકો આ ઈવેન્ટમાં ભાગ લઈ શકે તેવી શક્યતા છે.
ભારતીય વડાપ્રધાનોની અમેરિકા મુલાકાત
જો આપણે પીએમ મોદીની આ મુલાકાત વચ્ચે ભારતીય વડાપ્રધાનોના ઈતિહાસ પર નજર કરીએ, તો પ્રથમ પીએમ જવાહર લાલ નેહરુ તેમના કાર્યકાળ દરમિયાન 4 વખત અમેરિકા પ્રવાસે ગયા હતા. મોદી અને તેમના પુરોગામી મનમોહન સિંહ સહિત કુલ 9 ભારતીય વડા પ્રધાનો અત્યાર સુધીમાં સત્તાવાર રીતે અમેરિકાની મુલાકાતે ગયા છે. પૂર્વ પીએમ મનમોહન સિંહ 8 વખત અમેરિકા ગયા હતા જ્યારે દેશના પહેલા વડાપ્રધાન જવાહરલાલ નેહરુ 4 વખત અમેરિકા ગયા હતા. તેમજ અટલ બિહારી વાજપેયી પણ ચાર વખત અમેરિકા જઈ ચુક્યા છે. આ સિવાય ઈન્દિરા ગાંધી અને રાજીવ ગાંધી પીએમ (3 વખત), પી.વી. નરસિમ્હા રાવ (2 વખત) અને મોરારજી દેસાઈ અને આઈ.કે. ગુજરાલ એક વખત અમેરિકાની મુલાકાતે ગયા છે.