અરવલ્લી જિલ્લાના ભિલોડા ની બાજુમાં આવેલ મોકરોડા આશાપુરા સોસાયટીમાં રહેતા વિદ્યાર્થી ગુણાવત દીપકસિંહ જગદીશસિંહ ભિલોડાની પ્રેરણા વિદ્યાલયમાં ધોરણ 12 માં અભ્યાસ કરતો હતો.
ગઈ કાલે તે સ્કૂલમાં ગયા બાદ આશરે 5 વાગ્યા ની આજુ બાજુ એ થી તે સ્કૂલ માં થી નીકળી ગયો હતો.
વિદ્યાર્થીના વાલીઓએ મૃતક યુવક સાંજે ઘરે ન પહોંચતો શોધખોળ હાથ ધરી હતી. જેથી મૃતક યુવાનનું એક્ટિવા નવાભવનાથ મંદિરની બાજુમાં પડેલું નજરે પડતાં તેમણે પોલીસ ને ઘટનાની જાણ કરી હતી. પોલીસે ડેમની આજુ બાજુ શોધખોળ હાથ ધરતાં કઈ નજરે પડ્યું ન હતું. છેવટે તેમણે આજે સવારે ફાયરબ્રિગેડની ટીમને બોલાવી ડેમમાં ચકાસણી કરાવતાં ફાયર વિભાગે વિદ્યાર્થીનો મૃતદેહ ડેમમાંથી બહાર કાઢ્યો હતો.
મૃતક વિદ્યાર્થીનો મૃતદેહ મળતાં પરિવારજનોએ હૈયાફાટ રુદન કરી રહ્યા હતા. પોલીસે મૃતક યુવાનનો કબ્જો લઇ પોસ્ટમાર્ટમ અર્થે ભિલોડા સિવિલ હોસ્પિટલમાં ખસેડી આગળની કાર્યવાહી હાથ ધરી છે.