अयोध्या: अयोध्येतील श्रीराम मंदिरात आता मोबाईल नेण्यास बंदी घातली आहे. श्रीराम मंदिर बांधकाम समितीने याबाबत निर्णय घेतला असून यामुळे आता श्रीराम मंदिर परिसरात मोबाईल घेऊन जाता येणार नाही आहे. मंदिर निर्माण समितीने शुक्रवारी बैठकीत हा निर्णय घेतला असून २५ मे पासून श्रीराम मंदिरात मोबाईल फोन घेऊन जाण्यास बंदी घालण्यात आली आहे.
श्रीराम मंदिर निर्माण समितीची शुक्रवारी बैठक झाली. नृपेंद्र मिश्रा यांच्या अध्यक्षतेखाली झालेल्या बैठकीत सुरक्षा व्यवस्थेवर चर्चा करण्यात आली. फक्त सर्वसामान्यच नव्हे तर व्हीआयपी लोकांसाठी सुद्धा हा नियम लागू करण्यात आला आहे.