छत्रपती संभाजीनगर: छत्रपती संभाजीनगरमधून एक धक्कादायक बातमी समोर आली आहे. भारत राखीव बटालियनच्या पोलीस भरतीसाठी आलेल्या एका उमेदवाराकडे उत्तेजक द्रव्य आणि गोळ्या सापडल्या आहेत. २९ जून रोजी सकाळी मैदानी चाचणी पूर्वी तपासणी दरम्यान हा प्रकार उघडकीस आला आहे.
सदरील तरुणाला उत्तेजक द्रव्य आणि औषधी गोळ्यांसह शहरातील सातारा पोलिसांच्या ताब्यात देण्यात आले आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे. धम्मानंद प्रकाश इंगळे असं या तरुणाचं नाव असून, तो बोरगाव वसू, ता. चिखली, जि. बुलडाणा येथील रहिवासी आहे.
शहरातील सातारा परिसरातील भारत राज्य राखीव बटालियन येथील रिक्त पोलीस शिपायांच्या पदांसाठी भरती प्रक्रिया सध्या सुरू आहे. मैदानी आणि शारिरीक चाचणीसाठी अर्जदार उमेदवारांना बोलावण्यात आले आहे. बुलडाणा जिल्ह्यातील उमेदवार धम्मानंद इंगळे याच्यासह अन्य उमेदवारांची काल २९ जून रोजी मैदानी आणि शारिरीक चाचणी होती. या उमेदवारांना मैदानावर सोडण्यापूर्वी त्यांची तपासणी करण्यात येते. त्यावेळी ही बाब लक्षात आली.
धम्मानंद इंगळे यांच्याकडे उत्तेजक द्रव्य आणि गोळ्या सापडल्या आहेत. त्याला उत्तेजक द्रव्य आणि औषधी गोळ्यांसह शहरातील सातारा पोलिसांच्या ताब्यात देण्यात आले आहे. घटनेबाबत अधिक तपास सुरू असल्याची माहिती पोलिसांकडून देण्यात आली.