જૂનાગઢની સગીરા સામે રાજકોટમાં થયેલા દુષ્કર્મનો મામલામાં જૂનાગઢ પોલીસે 10 આરોપીઓની ધરપકડ કરી હતી. જેમાં રાજકોટની અલગ અલગ હોટેલમાંથી સીસીટીવી ફુટેજ મેળવીને તપાસ હાથ ધરી હતી.
જૂનાગઢની સગીરા સાથે રાજકોટમાં દુષ્કર્મની ઘટના બની હતી. જેને લઇ પોલીસે રાજકોટની અલગ અલગ હોટલમાં 14 જેટલા શખ્સોએ સગીરા સાથે દુષ્કર્મ આચરી દેહવ્યાપારમાં ધકેલી દેવાનો પોલીસે પર્દાફાશ કર્યો હતો. ત્યારે આ કેસમાં અગાઉ 6 આરોપી ઝડપાયા હતા. પોલીસે વધુ ચાર આરોપીઓને ઝડપી લીધા છે.
મળતી માહિતી અનુસાર અત્યાર સુધીમાં કુલ ૧૦ આરોપીઓને ઝડપી લેવામાં આવ્યા છે. અગાઉ ઝડપી લેવાયેલા બે આરોપીને ચાર દિવસના રીમાન્ડ પૂર્ણ થતાં જેલ હવાલે કરવામાં આવ્યા છે. ત્યારે વધુ ચાર આરોપીના પાંચ દિવસના રીમાન્ડ હાલ ચાલુ છે. ઉપરાંત આજે ઝડપાયેલા વધુ ચાર આરોપીઓના રિમાન્ડ માટે કોર્ટમાં રજૂ કરવામાં આવશે. એ ડિવિઝન પોલીસની ટીમે રાજકોટની અલગ અલગ હોટલમાંથી સીસીટીવી ફુટેજ મેળવીને તપાસ હાથ ધરી હતી.
જેલ હવાલે કરાયેલ આરોપીઓ
1. રીહાન ઉર્ફે રેહાન યુનુસભાઇ શેખ, જૂનાગઢ
2. કિરણ કાલુસીંગ બીસ્ટ, રાજકોટ
રીમાન્ડ પરના આરોપીઓ
3. આકાશ અર્જુનસિંહ ઓડ, રાજકોટ
4. હિરેન જગદીશભાઇ સાપરા, રાજકોટ
5. જસ્મીન દિનશભાઇ મકવાણા, રાજકોટ
6. હાર્દિક દિપકભાઇ ઝાપડા, રાજકોટ
7. સત્યુગ ઉર્ફે સત્યમ જીતેશભાઇ ટીમાણીયા, રાજકોટ
8. અયાન ઇદ્રીશભાઇ જોધપુરા મુલ્તાની, રાજકોટ
9. અરબાજ ઇમ્તીયાઝભાઇ ખીમાવત, રાજકોટ
10. કૃપાલ કિશોરભાઇ ટીમાણીયા, રાજકોટ