ઝારખંડ વિધાનસભા ચૂંટણી માટે અમિત શાહે ભાજપનો સંકલ્પ પત્ર જાહેર કર્યો છે. જેમા મહિલાઓને દર મહિને 2100 રુપિયા તેમજ મફત ગેસ સિલિન્ડર અને રોટી, બેટી તેમજ જમીનની રક્ષા કરવાનું પણ વચન આપ્યું છે. તેમજ અમિત શાહે સંકલ્પ પત્ર જાહેર કરતી વખતે કહ્યું હતું કે ભાજપ પોતાના વચનો પુરા કરે છે. ભાજપે તેમના પત્રમા ખાસ કરીને રોટી, બેટી તેમજ જમીનની રક્ષા કરવાનો પણ ઉલ્લેખ કર્યો છે.
ભાજપ દ્વારા ઝારખંડ મહિલાઓ માટે ગોગો દીદી યોજના ચાલુ કરવાની પણ વાત કરી છે. કરકાર બન્યા બાદ દર મહિનાની 11 તારીખે મહિલાઓને 2100 રુ. મળશે. દિવાળી અને રક્ષા બંધન પર એક ગેસ સિલિન્ડર ફ્રી, તેમજ દર મહિને 500 રુપિયાની કિંમતે ગેસ આપવામાં આવશે. સાથે સાથે 5 લાખ રોજગારીની તકો ઉભી કરવાની વાત કરી છે. આ સાથે જ 3 લાખ સરકારી જગ્યાઓ પર નિષ્પક્ષ ભરતી કરવાની પણ વાત કરી છે.
ભાજપે પોતાના સંકલ્ય પત્રમાં બેરોજગાર યુવાઓને દર મહિને 2000 રુપિયા આપવાનું વચન આપ્યું છે, સાથે જ ભાજપે દરેક ગરીબને પાકુ મકાન પણ બનાવી આપવાની વાત કરી છે. તેમજ પેપર માફિયાઓને જેલમાં ધકેલી દેશે અને ભુમાફિયાઓેને પણ કડક સજા આપશે.
સંકલ્પ પત્રમાં ભાજપે દિકરીઓને મફત શિક્ષણ આપવાનું પણ વચન આપ્યું છે. આ ઉપરાંત પુનર્વચન પંચ ગઠન કરવાની પણ વાત કરી છે. ભાજપે પોતાના ઘોષણા પત્રમાં બિરસામુંડાનું ભવ્ય સ્મારક બનાવવાની પણ વાત કરી છે. તેમજ ઝારખંડમાં યુસીસી પણ લાગુ કરવામાં આવશે.
હેમંત સોરેને ધુસણખોરોને આશરો આપ્યો: અમિત શાહ
અમિત શાહે મુખ્યમંત્રી હેમંત સોરેન પર નિશાન સાધતા કહ્યું, તમે (હેમંત સોરેને) ઘૂસણખોરોને આશરો આપ્યો છે. ઘૂસણખોરોમાં તમે તમારી વોટબેંક જુઓ છો. આ રાજ્યમાં ઘૂસણખોરોના કારણે આદિવાસીઓની સંખ્યા ઘટી રહી છે, જનસંખ્યા બદલાઈ રહી છે અને હેમંત સોરેનની સરકાર પોતાનામાં વ્યસ્ત છે. હું તમને વચન આપું છું કે જો ભાજપની સરકાર આવશે તો ઝારખંડમાંથી ઘૂસણખોરોને હાંકી કાઢશે. આસામમાં ભાજપની સરકાર આવી અને આજે આસામમાં ઘૂસણખોરી બંધ થઈ ગઈ છે. અમે રોટી, બેટી અને માટીનું રક્ષણ કરીશું.