શ્રી સંતરામ મંદિરનો ૧૬૬મો વાર્ષિકોત્સવ અને શ્રીમદ્દ ભાગવત સપ્તાહનું ભક્તિભાવ સાથે આયોજન
વાર્ષિક ઉત્સવ નિમિત્તે સાકરવર્ષા, શ્રીમદ્દ ભાગવત સપ્તાહ તેમજ આરતી દર્શનનું વિશેષ આયોજન
પ.પુ.યોગીરાજ અવધૂત શ્રી સંતરામ મહારાજની દિવ્ય અખંડ જ્યોતિ શુભ આશીર્વાદ ૫.પુ.મહંતશ્રી રામદાસ મહારાજના શુભ આશિષ અને આજ્ઞાથી શ્રી સંતરામ મંદિર ઉમરેઠનો ૧૬૬મો વાર્ષિકોત્સવ તા.૫/૧/૨૦૨૫ થી તા.૧૧/૧/૨૦૨૫ સુધી ભક્તિભેર ઉજવવામાં આવશે. આ દરમ્યાન શ્રી સંતરામ મંદિર ઉમરેઠ ખાતે સ્વ.લલ્લુભાઈ ગોરધનભાઈ પટેલ, સ્વ. મણિબેન ગોરધનભાઈ પટેલ અને સ્વ. મિતેષભાઈ વિનુભાઈ પટેલના યજમાન પદે કથાકાર પૂ.શ્રી નમસ્વીબેન ભૂપતાના વક્તા પદે શ્રીમદ ભાગવત સપ્તાહનું આયોજન કરવામાં આવ્યું છે. કથાના ઉદ્ઘાટન પ્રસંગે શ્રી જગન્નાથજી મંદિરના મહંત પ.પૂ. શ્રી દિલીપદાસજી મહારાજ, શ્રી દેવાંગભાઈ પટેલ (ઈપ્કોવાલા), મિતેષભાઇ પટેલ (સાંસદ સભ્ય - આણંદ), ગોવિંદભાઈ પરમાર (ધારાસભ્ય, ઉમરેઠ), કનુભાઈ શાહ (પ્રમુખ, ઉમરેઠ નગરપાલિકા), તેમજ શ્રી સંતરામ મંદિરની વિવિધ શાખાના મહંત શ્રી ઓ વિશેષ ઉપસ્થિત રહેશે. કથાનો સમય દરોજ બપોરે ૩.૦૦ થી ૬.૩૦ કલાકનો રહેશે ત્યાર બાદ પ્રસાદની પણ વ્યવસ્થા કરવામાં આવી છે. આ ધાર્મિક આયોજનનો લાભ સર્વે ભક્તોએ લેવા શ્રી ગણેશદાસજી મહારાજે આમંત્રણ પાઠવ્યું છે. વધુમાં ૧૬૬માં વાર્ષિક મહોત્સવ અંતર્ગત શ્રી સંતરામ મંદિર ખાતે પોષી પૂનમના દિવસે સાકર બોર વર્ષા કરવામાં આવશે તે પૂર્વે ઉમરેઠ સંતરામ મંદિરના મહંત શ્રી ગણેશદાસજી મહારાજ તેમજ વિવિધ શાખાના મહંત શ્રી ઓ ની ઉપસ્થિતિમાં વિશેષ આરતી દર્શનનું આયોજન કરવામાં આવ્યું છે. ઉલ્લેખનીય છે કે આ દિવસે બાળક વ્યવસ્થિત બોલતુ ન હોય તો તે માટે લોકો બાધા રાખે છે અને બાધા મુજબ સાકર બોર વર્ષા કરી બાધા પૂર્ણ કરે છે.
सहयोग करें
हम देशहित के मुद्दों को आप लोगों के सामने मजबूती से रखते हैं। जिसके कारण विरोधी और देश द्रोही ताकत हमें और हमारे संस्थान को आर्थिक हानी पहुँचाने में लगे रहते हैं। देश विरोधी ताकतों से लड़ने के लिए हमारे हाथ को मजबूत करें। ज्यादा से ज्यादा आर्थिक सहयोग करें।
ताज़ा खबरों की अपडेट अपने मोबाइल पर पाने के लिए डाउनलोड करे सुदर्शन न्यूज़ का मोबाइल एप्प