मंगरुळपीर नाही तर 'मंगरुळनाथ' म्हणायचं; मंगरुळनाथमध्ये धर्मयोद्धा डॉ. श्री. सुरेश चव्हाणकेंचे धडाकेबाज भाषण

मंगरुळनाथ: शिव प्रेरणा यात्रेनिमित्त आज दि. ११ नोव्हेंबर रोजी धर्मयोद्धा डॉ. श्री सुरेश चव्हाणके यांची मंगरुळनाथ येथे सकल हिंदू समाजातर्फे जाहीर सभा आयोजित करण्यात आलेली होती. घुसखोर मुक्त महाराष्ट्र करणे, हा या शिव प्रेरणा यात्रेचा मुख्य उद्देश आहे. भारतात अनुमाने १० कोटीहून अधिक रोहिंग्या आणि बांगलादेशी घुसखोर आहेत. महाराष्ट्रात त्यातील १ कोटी घुसखोर आहेत. मुंबईमध्ये यांतील ४० लाख घुसखोर आहेत. हे सर्व घुसखोर देशविघातक कृत्यांमध्ये सहभागी आहेत. या घुसखोरांना बाहेर काढण्यासाठी महाराष्ट्रात ‘जनता एन्.आर्.सी.’ (जनता राष्ट्रीय नागरिक नोंदणी) अभियान राबवले जाणार आहे.

तसेच ते म्हणाले, की महाराष्ट्रात मुस्लिम उपमुख्यमंत्री होवू देणार नाही, त्यासाठी गावा - गावात जाऊन प्रचार करेल. उन्हात फिरून चेहरा काळा पडला तरी चालेल, पण महाराष्ट्राला हिरवं होवू देणार नाही. देशहितासाठी, राष्ट्रीय सुरक्षेसाठी १०० टक्के मतदान करा. जाती - जातीत, भाषा, प्रांत यांत विभागले जाऊ नका. हिंदू म्हणून एक या. मी कोणत्याही पक्षाला मतदान करा असे सांगत नाही, फक्त हिंदू म्हणून मतदान करा. निवडणुकीसाठी मत मागायला आलेल्या उमेदवाराला धर्मांतर बंदी, लव्ह जिहाद, भूमी जिहाद, गो - हत्या बंदी यावर विधानसभेत हिंदूंचे प्रश्न मांडण्यास सांगा. तसेच व्होट जिहाद संदर्भात उपस्थित हिंदूंच्या सोबत शपथ घेण्यात आली.