पुणे: पुण्यात बेकायदेशीर वास्तव्य करणार्या बांगलादेशी घुसखोरांवर कारवाई करण्याचे आदेश पोलीस आयुक्त अमितेश कुमार यांनी दिले आहे. पुणे शहरात बेकायदेशीर वास्तव्य करणार्या बांगलादेशी घुसखोरांविरुद्ध पोलिसांनी शोधमोहीम हाती घेतली आहे.
प्रत्येक पोलीस ठाण्यांतर्गत वास्तव्य करणारे परप्रांतीय मजुरांची माहिती संकलित करण्यात यावी, तसेच बांगलादेशी घुसखोर आढळून आल्यास त्वरित कारवाई करावी, असे आदेश पोलीस आयुक्त अमितेश कुमार यांनी शहरातील सर्व पोलीस ठाण्यांच्या प्रमुखांना दिले आहेत. तसेच बांगलादेशी घुसखोरांना बनावट कागदपत्रे सिद्ध करून देणार्या दलालांचाही शोध घेण्याचे आदेश दिले आहेत.