पुसद: वाशिम मार्गावरील खंडाळा पोलीस स्टेशनच्या हद्दीतील सतरमाळ घाटात माहूर येथे दर्शनासाठी जात असताना टॉयोटा चार चाकी वाहनाचा झाडावर आदळून भीषण अपघात झाला. या अपघातात जवळपास दोघाजणांचा जागिचा मृत्यू झाला आहे. तर, साहजण गंभीर असल्याची प्राथमिक माहिती आहे. याबाबत सूत्रांनी दिलेली माहिती अशी की, खंडाळा पोलीस स्टेशनच्या हद्दीतील पुसद वाशिम मार्गावरील सत्तर माळ घाटात नगर येथून टॉयोटा चार चाकी वाहनाने आठ प्रवासी प्रवास करत होते ते वाशिम मार्गे पुसद कडे येत असताना चालकाला अचानक झोप लागल्याने हे चार चाकी वाहन सागाच्या झाडावर आदळून भीषण अपघात झाला आहे या वाहनात जवळपास आठ जण असल्याची माहिती असून यापैकी दोघांचा जागीच मृत्यू झाला असून आहे तर साहजण गंभीर जखमी असल्याची प्रथम दर्शनी माहिती आहे.
अपघात इतका भीषण होता, की या वाहनाचा चकनाचूर झाला. हा अपघात होऊन जवळपास दीड दोन तास अपघातग्रस्तांना मदत न मिळाल्याने हे अपघात ग्रस्त तडफडत होते त्यावेळी स्थानिकांनी घटनेची माहिती कळताच घटनास्थळी धाव घेतली त्यावेळी घटनास्थळी खंडाळा पोलीस दाखल झाले असून अपघातग्रस्तांना उपजिल्हा रुग्णालयात दाखल करण्यात आले आहे. अशी माहिती प्रथमदर्शनी सूत्रांनी दिली आहे.
- किरण मुक्कावार (पुसद)...