જમ્મુ-કાશ્મીર વિધાનસભા ચૂંટણી- કલમ 370 હટાવ્યા પછી પહેલી વાર વિધાનસભા ચૂંટણી યોજાઇ. પીએમ મોદીએ વધારેમાં વધારે મતદાન કરવા લોકોને કરી અપીલ. જમ્મુ કશ્મીરમાં કલમ 370 હટાવ્યા પછી પહેલી વાર વિધાનસભા ચૂંટણી યાજાઇ છે. આજે પ્રથમ તબક્કામાં જમ્મુ ક્ષેત્રના 3 જિલ્લાઓ અને કશ્મીર ખીણના 4 જિલ્લાની 90 અપક્ષ સહીત કુલ 219 ઉમેદવારો પોતાનું નસીબ અજમાવી રહ્યા છે. આજે જ્યાં મતદાન થઈ રહ્યું છે તેમાં પમ્પોર, ત્રાલ, પુલવામા, રાજપોરા, જૈનપોરા, શોપિયાં, ડીએચ પોરા, કુલગામ, દેવસર, ડોરુ, કોકરનાગ (ST), અનંતનાગ પશ્ચિમ, અનંતનાગ, શ્રીગુફવારા-બિજબેહરા, શાંગસ-અનંતનાગ પૂર્વ, પહલનો સમાવેશ થાય છે. , ઈન્દરવાલ, કિશ્તવાડ, પેડર-નાગસેની, ભદરવાહ, ડોડા, ડોડા પશ્ચિમ, રામબન અને બનિહાલનો પણ સમાવેશ થાય છે.
ક્યાં કેટલું મતદાન
1. અનંતનાગ- 10.26%
2. ડોડા- 12.90%
3. કિશ્તવાડ- 14.38%
4. કુલગામ- 10.77%
5. પુલગામ- 9.18%
6. રામબન- 11.91%
7. શોપિયાં- 11.44%
પીએમ મોદીએ લોકોને મહત્તમ મતદાન કરવાની અપીલ કરી
જમ્મુ કશ્મીરના વિધાનસભા ચૂંટણીને લઇ પીએમ મોદીએ આ લોકશાહીના પર્વમાં વધારેમાં વધારે મતદાન કરવાની અપીલ કરી છે. તેમણે કહ્યું, 'જમ્મુ અને કાશ્મીર વિધાનસભા ચૂંટણીના પ્રથમ તબક્કાની શરૂઆત સાથે, હું આજે મતદાન કરનાર તમામ મતવિસ્તારના લોકોને મોટી સંખ્યામાં મતદાન કરવા અને લોકશાહીની ઉજવણીને મજબૂત કરવા વિનંતી કરું છું. હું ખાસ કરીને યુવા અને પ્રથમ વખતના મતદારોને તેમના મતાધિકારનો ઉપયોગ કરવા વિનંતી કરું છું.