ઉમર અબ્દુલ્લાએ આજે જમ્મુ-કાશ્મીરના મુખ્યમંત્રી તરીકે શપથ લીધા છે. જમ્મુ-કાશ્મીરના મુખ્યમંત્રી તરીકે આ તેમનો બીજો કાર્યકાળ હશે. કલમ 370 હટાવ્યા બાદ તેઓ પ્રથમ મુખ્યમંત્રી બન્યા છે. આ શપથ ગ્રહણ સમારોહમાં ઈન્ડિયા એલાયન્સના ઘણા નેતાઓએ ભાગ લીધો હતો. જેમાં રાહુલ ગાંધી, પ્રિયંકા ગાંધી, અખિલેશ યાદવ સામેલ છે.
એનસી-કોંગ્રેસ ગઠબંધનને 48 બેઠકો મળી છે
તમને જણાવી દઈએ કે જમ્મુ-કાશ્મીરમાં 10 વર્ષ બાદ યોજાયેલી વિધાનસભા ચૂંટણીમાં નેશનલ કોન્ફરન્સ અને કોંગ્રેસ ગઠબંધનનો વિજય થયો છે. 90 બેઠકોમાંથી નેશનલ કોન્ફરન્સે 42 અને કોંગ્રેસે 6 વિધાનસભા બેઠકો જીતી છે.ભાજપ 29 વિધાનસભા બેઠકો જીતવામાં સફળ રહ્યું છે. મહેબૂબા મુફ્તીની પાર્ટી પીડીપી આ ચૂંટણીમાં ખાસ પ્રદર્શન કરી શકી નથી.