कोपरगाव: कोपरगाव शहरातील नवीन आयटीआय इमारती समोर काल सायंकाळी साडे पाच वाजेच्या सुमारास नगरपरिषदेचे डांबरीकरणाचे काम ठेकेदार योगेश दत्तात्रय मोरे हे करत असतांना तेथून काही तरुण आपल्या दुचाकीवरून जात होते. त्यांना सदर रस्त्यावरून जाण्यास हरकत घेतल्यावरून झालेल्या दोन गटात तुंबळ हाणामारीत दोन जण जखमी झाले असून या प्रकरणी गांधीनगर येथील आरोपी जिहादी अजीम करीम शेख, अमजद जहाबाद पठाण, मजीद रशीद पठाण व अन्य चार ते पाच जणांविरुद्ध कोपरगाव शहर पोलीस ठाण्यात फिर्यादी योगेश दत्तात्रय मोरे यांनी गुन्हा दाखल केला आहे.
कोपरगाव शहरात वारंवार गोवंश बंदी असतांना त्याचे राजरोस उल्लंघन होत आहे. हिंदू संघटनांनी वारंवार इशारे देऊनही त्याकडे विशिष्ठ समाज आणि पोलिस कानाडोळा करत आहे. परिणामी शहरात मोठा संताप व्यक्त होत आहे. वाळूचोरांची शिरजोरी त्यांच्याकडील गावठी कट्टे या बाबी आधीच चिंता निर्माण करणाऱ्या आहे. अशातच गुन्हेगारी वाढत असतांना शहरातील विशेष समुदायातील गुंडागर्दी करणारे तरुण कायदा सुव्यवस्था डोक्याला बांधून निडरपणे फिरत आहे. त्यामुळे कोपरगावमधील नागरिक अशा गुंडागर्दी करणाऱ्यांपासून सुरक्षित आहेत का? असा प्रश्न निर्माण झाला आहे.अशीच धक्कादायक घटना कोपरगाव शहराच्या उत्तरेस साधारण अडीच किमीवर असलेल्या नवीन औद्योगिक प्रशिक्षण संस्थेच्या इमारतीजवळ काल सायंकाळी साडेपाच वाजेच्या सुमारास घडली आहे. तेथे कोपरगाव नगरपरिषदेचे डांबरीकरणाचे काम ठेकेदार योगेश मोरे यांनी घेतले होते.
सदरच्या कामावर अंतिम हात मारण्याचे काम सुरू असतांना त्या ठिकाणी आपल्या दुचाकीवरून काही तरुण जात होते. त्यांना संबधित ठेकेदार यांनी हरकत घेऊन "सदरचे काम सुरू असून ते अंतिम टप्प्यात आहे, तुम्ही दुसरीकडून जा" असे सांगितल्याचा राग येऊन त्यांनी ठेकेदार योगेश मोरे आणि त्यांचे बंधू, पुतण्या आदींना गज, लाकडी दांडे, दगड आदींच्या सहाय्याने शिवीगाळ करत जोरदार हल्ला चढवला. घटनास्थळी नजीकच्या नागरिकांनी धाव घेऊन सदरचे भांडण मिटविण्याचा प्रयत्न केला असता तो फोल ठरला आहे. दरम्यान, या घटनेत फिर्यादी योगेश मोरे सह त्यांचे बंधू गणेश मोरे, पुतण्या पवन मोरे आदी तीन जण जखमी झाले असल्याचे आपल्या जबाबात म्हटले आहे. तर पोलिसांनी यातील दोन आरोपींना अटक केली असून बाकी अद्याप फरार आहेत.
दरम्यान, याठिकाणी घटनेची माहिती राष्ट्रवादीचे जिल्हा कार्याध्यक्ष व माजी नगरसेवक कृष्णा आढाव, अमोल भोकरे, संकेत वाणी आदी तीन जाणं हे घटनास्थळी आले व त्यांनी सदर भांडण मिटविण्याचा प्रयत्न केला असता आरोपींनी त्यांनाही आपल्या हातातील शस्त्राने जोरदार प्रसाद दिला असल्याची माहिती प्रत्यक्षदर्शीनी दिली आहे. याच दरम्यान जवळच्या एका भंगाराच्या दुकानात आग लागली होती. ती कोणी लावली? हे समजू शकले नाही. मात्र नगरपरिषदेचे अग्निबंबानी ती ताबडतोब विझवली आहे. या घटनेचा व हाणामारीच्या घटनेचा काही संबंध आहे का नाही? हे समजू शकले नाही. सध्या कोपरगावमधील परिस्थिती शांत असून आज विविध सामाजिक व राजकीय संघटनांनी शहर बंदचा नारा दिला आहे.
या प्रकरणी कोपरगाव शहर पोलिस ठाण्यात गुन्हा क्रमांक-५५९/२०२४ भारतीय न्याय संहिता सन-२०२३ चे कलम ११८(१), (२)११५(२), ३५२,१८९(२),१९१(२), (३)१९०, सह फौजदारी दुरुस्ती कायदा कमल ७ प्रमाणे आठ आरोपी विरुद्ध गुन्हा दाखल केला आहे. घटनास्थळी शिर्डी येथील विभागीय पोलिस अधिकारी शिरीष वमने, शहर पोलिस ठाण्याचे पोलिस निरीक्षक भगवान मथुरे आदींनी भेट दिली आहे. या घटनेचा पुढील तपास पोलिस निरीक्षक मथुरे हे करीत आहेत.