नवापूर तालुक्यातील खांडबारा गावात रेशन दुकानदार अनियमितपणे रेशनिंगचे धान्य वाटप करीत असल्याच्या तक्रारी सरपंच अविनाश गावित व ग्रामपंचायतीकडे

नंदुरबार : (प्रतिनिधी) नवापूर तालुक्यातील खांडबारा गावात रेशन दुकानदार अनियमितपणे रेशनिंगचे धान्य वाटप करीत असल्याच्या तक्रारी सरपंच अविनाश गावित व ग्रामपंचायतीकडे प्राप्त झाल्या होत्या त्या अनुषंगाने आज खांडबारा गावचे सरपंच अविनाश गावित उपसरपंच योगेश चौधरी यांच्यासह गावातील ग्रामस्थ यांनी नवापूर तहसीलदार मंदार कुलकर्णी यांना सदर प्रकरणाबाबत सखोल चौकशी करण्यात यावी याबाबतचे निवेदन सादर केले आहे निवेदनात म्हटले आहे की खांडबारा गावातील रेशन दुकान परवानाधारक श्रीमती शोभा भिका चौधरी व गायत्री महिला गृह उद्योग असे स्वस्त धान्य दुकान परवाना मिळालेला असून सदर दोन्ही स्वस्त धान्य दुकानदारा मार्फत गावातील ग्रामस्थांना नियमितपणे स्वस्त धान्य मिळत नाही तसेच लाभार्थ्यांसोबत धान्य दुकानदार हे अरेरावीची भाषा करीत असल्याचं निवेदनात नमूद करण्यात आला आहे प्राप्त तक्रारीनुसार या प्रकाराची सखोल चौकशी करण्यात यावी याबाबतची मागणी या निवेदनातून सरपंच अविनाश गावित व ग्रामपंचायत मार्फत करण्यात आले आहे यावेळी सरपंच अविनाश गावित उपसरपंच योगेश चौधरी ग्रामपंचायत सदस्य व खांडबारा गावचे ग्रामस्थ उपस्थित होते