पुणे: पुणे जिल्ह्यातील तळेगाव एमआयडीसी परिसरातून हुसेन शेख, मोनिरुल गाझी, अमीरूल साना या ३ बांगलादेशी नागरिकांना भारतात अवैधरित्या वास्तव्य केल्याप्रकरणी अटक करण्यात आली आहे. ही कारवाई ३० डिसेंबर या दिवशी नवलाख उंब्रे येथे करण्यात आली.
हुसेन शेख, मोनिरुल गाझी, अमीरूल साना या तिघांनी बनावट आधारकार्ड, पॅनकार्ड बनवून घेत भारतीय असल्याचे भासवले. त्यांना बनावट कागदपत्रे बनवून देणार्‍या एका व्यक्तीच्या विरोधात गुन्हा नोंद करण्यात आला आहे. या प्रकरणी पोलीस अंमलदार रोशन पगारे यांनी तळेगाव एम्.आय.डी.सी. पोलीस ठाण्यात तक्रार दिली आहे.