शिर्डी: शिर्डीमध्ये बजरंग दलाच्या कार्यकर्त्यांनी हॉटेल साई बाबांची झरनावर धाड टाकून लव्ह जिहादचा धक्कादायक प्रकार उघडकीस आणला आहे. शिर्डीतील पानमळा येथील हॉटेल साई झरनामध्ये सय्यद नावाचा जिहादी आणि अल्पवयीन हिंदू मुलगी या कारवाईत रंगेहाथ पकडण्यात आले आहेत. ताब्यात घेण्यात आलेल्या जिहादी सय्यदने आजपर्यंत अनेक हिंदू मुलींना या हॉटेलमध्ये घेऊन येवून त्यांच्यावर वेगवेगळ्या प्रकारचे अत्याचार केल्याचे बजरंग दलाचे सुरेंद्र महाले यांनी सांगितले आहे. शिर्डी पोलिस स्टेशनला याबाबत माहिती देऊन त्यावर रीतसर कारवाई करण्यात आली आहे, असेही सुरेंद्र महाले यांनी सांगितले.
काही जिहाद्यांनी पवित्र अशा शिर्डीचे वातावरण खराब करण्याचे, शिर्डीला अपवित्र करण्याचे काम चालवले आहे, इथून पुढे अशी घटना घडली तर त्याला आम्ही बजरंग दलाच्या पद्धतीने उत्तर देऊ, असा इशारा यावेळी सुरेंद्र महाले यांनी बजरंग दल अहिल्यानगरच्यावतीने दिला आहे. हॉटेल साई झरनामध्ये टाकण्यात आलेल्या धाडीमध्ये ताब्यात घेतलेल्या मुलीचे वय आधार कार्डवर २० वर्ष आहे, परंतु ती मुलगी आठवी किंवा नववीत शिकत असावी, असा अंदाज महाले व उपस्थितांनी वर्तविला आहे. तरी शिर्डी पोलीस स्टेशनने या प्रकरणाची सखोल चौकशी करून त्यावर कठोर कारवाई व गुन्हा दाखल करण्यात यावा अशी मागणी बजरंग दलाच्या वतीने करण्यात आली आहे. हा प्रकार १०० टक्के लव्ह जिहादचाचं असल्याचे सुरेंद्र महाले यांनी सांगितले.
अशाप्रकारे हिंदू मुलींना फसवणे, त्यांचे फसवून व्हिडिओ काढणे, नंतर त्यांना धमकी देऊन, ब्लॅकमेल करून जाळ्यात ओढणे आणि धर्मांतरण करण्यास भाग पाडल्या जाते. नंतर अशा मुलींना दूर कुठेतरी नेऊन वेश्या व्यवसायात लावले जाते. त्यामुळं शिर्डी पोलिस स्टेशनने या लव्ह जिहादच्या प्रकरणाला दाबून टाकण्याचा प्रयत्न केला, तर संपूर्ण अहिल्यानगर जिल्ह्यातील विश्व हिंदू परिषद, बजरंग दलाचे कार्यकर्ते शिर्डी पोलीस स्टेशन येथे तीव्र आंदोलन करतील असा इशारा बजरंग दलाचे सुरेंद्र महाले यांनी दिला आहे.