पहिल्या डावात भारताला 78 धावांमध्ये ऑल आऊट केल्यानंतर इंग्लंडने पहिल्या डावात 432 धावांचा डोंगर उभा केला. तर दुसऱ्या डावातील फलंदाजीसाठी मैदानात उतरलेल्या भारतीय फलंदाजांनी सुरुवातीला चांगली फलंदाजी करत तिसरा दिवस आपल्या नावे केला. मात्र चौथ्या दिवशी टीम इंडियाची घसरगुंडी पाहायला मिळाली. कालच्या 2 बाद 215 वरुन पुढे खेळणाऱ्या टीम इंडियाने आज एका सत्रात राहिलेल्या 8 विकेट्स गमावल्या भारताचा डाव 278 धावांवर संपुष्टात आला. त्यामुळे इंग्लंडने तिसऱ्या कसोटी सामन्यात भारतावर इंग्लंडने एक डाव आणि 76 धावांनी विजय मिळवला. या विजयासह इंग्लंडने मालिकेत 1-1 अशी बरोबरी साधली आहे.