अक्कलकुवा पोलीस स्टेशनची व्हॅन पावसामुळे घसरून अपघात झाल्याने पोलीस निरीक्षकासह दोन जण जखमी झाल्याची घटना सकाळी साडेनऊ वाजेच्या दरम्यान गुजरात राज्यातील तुलसा गावाजवळ घडली.

अक्कलकुवा प्रतिनिधी -योगेश्वर बुवा 
 अक्कलकुवा पोलीस स्टेशनची व्हॅन पावसामुळे घसरून अपघात झाल्याने पोलीस निरीक्षकासह दोन जण जखमी झाल्याची घटना सकाळी साडेनऊ वाजेच्या दरम्यान गुजरात राज्यातील तुलसा गावाजवळ घडली.
      मात्र सुदैवाने जीवितहानी टळली
     सविस्तर वृत्त असे की, अक्कलकुवा येथून नंदुरबारच्या दिशेने जाणारी एम एच 39 एबी 857 क्रमांकाची पोलीस गाडी गुजरात राज्यातील मौलिपाडा ते तुलसा गावादरम्यान रस्त्यावरून घसरून शेतात पलटी मारत गेल्याने या गाडीत असलेले गाडीचे चालक राजू मोरे ,पोलीस नाईक जगदीश गांगुर्डे व  पोलीस निरीक्षक दीपक बुधवंत हे तीन कर्मचारी प्रवास करत असताना हा अपघात घडून आला. यातील जगदीश गांगुर्डे यांना डोक्यात दुखापत झाली असून राजू मोरे व पोलीस निरीक्षक दीपक बुधवंत यांना देखील किरकोळ मार लागल्याचे समजते. या जखमी अधिकारी व कर्मचाऱ्यांना नंदुरबार येथील रुग्णालयात दाखल करण्यात आले होते. मात्र सुदैवाने कोणत्याही प्रकारची जिवित हानी झाली नाही. गेल्या दोन-तीन दिवसापासून परिसरात मुसळधार पाऊस सुरू असल्याने बऱ्याच ठिकाणी रस्त्यावरून पाण्यासोबत चिखलही वाहून जात असल्याने अशा प्रकारचे अपघात घडून येतात.