ખેડૂતો માટે સારા સમાચાર સામે આવ્યા છે. ઓક્ટોબર મહિનામાં થયેલી અતિવૃષ્ટિ નુકસાન પેકેજ જાહેર કરવામાં આવશે. નાણામંત્રી કનુભાઈ દેસાઈની તેમજ અન્ય ધારાસભ્યો અને ખેડૂતોની ઓક્ટોબર માસમાં થયેલા કમોસમી વરસાદથી પાક નુકસાની સામે સહાય ચૂકવવા રજૂઆતો મળી હતી.
રાજ્યમા કેટલાક જિલ્લાઓમાં આ માસમાં પાક નુકસાનના પ્રાથમિક અહેવાલ મળ્યા છે. જેમાં દક્ષિણ ગુજરાતના ડાંગ, નવસારી, વલસાડ, તાપી તેમજ મધ્ય ગુજરાતના છોટા ઉદેપુર, નર્મદા, આણંદ, અમદાવાદ અને સૌરાષ્ટ્રના અમરેલી, બોટાદ, ભાવનગર, રાજકોટ, જૂનાગઢ, ગીર સોમનાથ દ્વારકા જેવા જિલ્લાઓનો સમાવેશ થાય છે.
જેમા મુખ્ય અસરગ્રસ્ત પાકો મગફળી, ડાંગર, કપાસ, સોયાબીન, તેમજ કઠોળ અને શાકભાજીનો સમાવેશ થાય છે. આ કિસ્સામાં પણ સત્વરે નિયમ મુજબ કાર્યવાહી હાથ ધરવામાં આવી છે. તદ્દાનુસાર ઓક્ટોબર માસ માટે સહાય પેકેજ માટે અમલવારી કરવામાં આવશે તેવી પ્રાથમિક માહિતી છે.