જમ્મુ કાશ્મીર બીજા તબક્કાનું મતદાન - જમ્મુ-કાશ્મીરમાં ત્રણ તબક્કામાં વિધાનસભાની ચૂંટણી યોજાઈ રહી છે. પ્રથમ તબક્કામાં 18 સપ્ટેમ્બરે 24 વિધાનસભા બેઠકો પર મતદાન થયું હતું. બીજા તબક્કામાં આજે એટલે કે 25 સપ્ટેમ્બરે 26 બેઠકો પર મતદાન થઈ રહ્યું છે. 1 ઓક્ટોબરે છેલ્લા તબક્કામાં 40 બેઠકો પર મતદાન થશે.
જમ્મુ-કાશ્મીરમાં બુધવારે એટલે કે વિધાનસભા ચૂંટણી માટે બીજા તબક્કાનું મતદાન થશે. આ તબક્કામાં 26 બેઠકો પર મતદાન થવાનું છે, જેમાં 239 ઉમેદવારો પોતાનું નસીબ અજમાવી રહ્યા છે. બીજા તબક્કામાં મધ્ય કાશ્મીરના ત્રણ જિલ્લાઓ- શ્રીનગર, ગાંદરબલ અને બડગામને પણ સામેલ કરવામાં આવશે, આ સાથે જમ્મુના રિયાસી અને રાજૌરીના સરહદી જિલ્લાઓમાં પણ મતદાન થશે. આ વિસ્તારમાં ઘણા આતંકી હુમલા થયા છે.
5 ભૂતપૂર્વ પ્રધાનો, 10 ભૂતપૂર્વ ધારાસભ્યો પણ મેદાનમાં છે
આ તબક્કામાં 26 વિધાનસભા સીટોના 239 ઉમેદવારોના ભાવિનો ફેંસલો થશે. બીજેપી જમ્મુ અને કાશ્મીર યુનિટના વડા રવિન્દર રૈના રાજૌરી જિલ્લાની નૌશેરા બેઠક પરથી ફરીથી ચૂંટણી લડી રહ્યા છે. આ સિવાય બીજા તબક્કામાં પાંચ પૂર્વ મંત્રીઓ અને 10 પૂર્વ ધારાસભ્યો પણ મેદાનમાં છે.
મજબૂત સુરક્ષા વ્યવસ્થા
જમ્મુ-કાશ્મીરની 26 વિધાનસભા મતવિસ્તારોમાં 3,500 મતદાન મથકો બનાવવામાં આવ્યા છે. તેના પર 13,000થી વધુ પોલિંગ સ્ટાફ તૈનાત કરવામાં આવ્યો છે. કોઈપણ અનિચ્છનીય ઘટનાને ટાળવા માટે મોટી સંખ્યામાં પોલીસ, સશસ્ત્ર પોલીસ દળો અને કેન્દ્રીય સશસ્ત્ર અર્ધલશ્કરી દળના જવાનોને તૈનાત કરવામાં આવ્યા છે. અધિકારીઓએ જણાવ્યું કે બીજા તબક્કાનું મતદાન ભયમુક્ત વાતાવરણમાં થાય તે સુનિશ્ચિત કરવા માટે દરેક મતદાન મથકની આસપાસ બહુસ્તરીય સુરક્ષા કોર્ડન બનાવવામાં આવી છે.
બુધવારે મતદાન સમાપ્ત થયા પછી, 'સ્ટ્રોંગ રૂમ'માં કડક સુરક્ષા વ્યવસ્થા કરવામાં આવી છે જ્યાં ઇલેક્ટ્રોનિક વોટિંગ મશીન ઇ.વી.એમ. રાખવામાં આવશે અને તેમને ચોવીસ કલાક ડિજિટલ સર્વેલન્સ હેઠળ રાખવામાં આવશે.
8મી ઓક્ટોબરે પરિણામ
જમ્મુ-કાશ્મીરમાં ત્રણ તબક્કામાં વિધાનસભાની ચૂંટણી યોજાઈ રહી છે. પ્રથમ તબક્કામાં 18 સપ્ટેમ્બરે 24 વિધાનસભા મતવિસ્તારોમાં મતદાન થયું હતું. જ્યારે બીજા તબક્કામાં બુધવારે એટલે કે આજે 26 બેઠકો પર મતદાન થશે જ્યારે ત્રીજા તબક્કામાં 40 બેઠકો પર 1 ઓક્ટોબરે મતદાન થશે. 8મી ઓક્ટોબરે મતગણતરી હાથ ધરાશે.
જાણો જમ્મુ કાશ્મીર વિધાનસભા ચૂંટણીમાં બીજા તબક્કાનું મતદાનના સમીકરણો
6 જિલ્લાની 26 બેઠકો પર મતદાન, 239 ઉમેદવારો, 25.78 લાખ મતદારો. 26 સીટોમાંથી જમ્મુમાં 11 અને કાશ્મીરમાં 15 સીટો છે.
કયા જિલ્લામાં કેટલી બેઠકો પર મતદાન થશે
ગાંદરબલ (કાશ્મીર પ્રદેશ) – 2 બેઠકો – 21 ઉમેદવારો
શ્રીનગર (કાશ્મીર પ્રદેશ) – 8 બેઠકો – 93 ઉમેદવારો
બડગામ (કાશ્મીર પ્રદેશ) – 5 બેઠકો – 46 ઉમેદવારો
રિયાસી (જમ્મુ પ્રદેશ) – 3 બેઠકો – 20 ઉમેદવારો
રાજૌરી (જમ્મુ પ્રદેશ) – 5 બેઠકો – 34 ઉમેદવારો
પૂંચ (જમ્મુ પ્રદેશ) – 3 બેઠકો – 25 ઉમેદવારો
ઉમેદવારોની સંખ્યા - 239
- પુરૂષ ઉમેદવારો - 233 (કુલના 97.5%)
- મહિલા ઉમેદવારો - 6 (કુલના 2.5%)
કયા પક્ષના કેટલા ઉમેદવારો?
- સ્વતંત્ર - 99
- જમ્મુ અને કાશ્મીર પીપલ્સ ડેમોક્રેટિક પાર્ટી - 26
- જમ્મુ અને કાશ્મીર નેશનલ કોન્ફરન્સ - 20
- ભાજપ - 17
- જમ્મુ અને કાશ્મીર અપની પાર્ટી - 16
- કોંગ્રેસ - 6
- એસપી - 5
- NCP - 4