कोल्हापूर: कोल्हापूरहून अहमदाबादला व्यापार व्यवसायामुळे नियमितपणे ये-जा करणार्या ग्राहकांची संख्या खूप आहे. त्यासाठी कोल्हापूरहून अहमदाबादला थेट विमान सेवा सुरू करण्याची मागणी होत होती. खासदार धनंजय महाडिक हे याबाबत सातत्याने पाठपुरावा करत होते. त्यांना यश आले असून २७ ऑक्टोबर पासून कोल्हापूर - अहमदाबाद - गुजरात नियमित विमानसेवा सुरू होणार आहे.
खूप वेळेपासून प्रलंबित असणारी कोल्हापूर करांची आणखी एक मागणी आता येत्या 27 ऑक्टोंबर पासून पूर्ण होत आहे. 27 ऑक्टोबरपासून कोल्हापूर ते अहमदाबाद गुजरात या मार्गावर थेट विमानसेवा सुरू होणार आहे. स्टार एअर लाईन कंपनीचे सुमारे 50 आसन क्षमतेचे विमान, कोल्हापूर - अहमदाबाद - कोल्हापूर या मार्गावर उड्डाण करेल. खासदार धनंजय महाडिक यांनी सातत्याने याबाबत केलेल्या पाठपुराव्याला यश आले आहे. या विमान सेवेमुळे अहमदाबाद सोबतच संपूर्ण गुजरात, राजस्थानसह उत्तर भारताशी कोल्हापूर हवाई सेवेने कनेक्ट होणार आहे, अशी माहिती खासदार धनंजय महाडिक यांनी दिली.
कोल्हापूर- अहमदाबाद गुजरात ही सेवा सोमवार, गुरुवार, शुक्रवार आणि शनिवारी सुरू राहणार असून, कोल्हापूरहून सकाळी ११ वाजता विमान उडाण करेल आणि १२ वाजून २० मिनिटांनी अहमदाबादला पोचेल. तसेच अहमदाबादहून १२ वाजून ४५ मिनिटांनी विमान उडेल आणि २ वाजून ५ मिनिटांनी कोल्हापुरात पोचेल. त्यासाठी तिकीटाचे बुकींग सुरू झाल्याचीही माहिती खासदार धनंजय महाडिक यांनी दिली.