મહારાષ્ટ્રમાં મુખ્યમંત્રી પદને લઇને મહાયુતિ ગઠબંધનમાં હજુ પણ અસમંજસમાં છે. ભારતીય જનતા પાર્ટી સીટોના હિસાબે મહાગઠબંધનમાં સૌથી મોટી પાર્ટી છે. તેથી તે સીએમ માટે પોતાનો દાવો રજુ કરી રહી છે. તો બીજી તરફ એકનાથ શિંદે ભલે પોતે કાઇ બોલ્યા ન હોઇ પણ તેમના સમર્થકો તેમને મુખ્યમંત્રી બનાવવાની માંગ કરી રહ્યા છે.
બીજેપી સૌથી મોટી પાર્ટી
દવેન્દ્ર ફડણવીસ ભાજપનો સૌથી મોટો ચહેરો છે. આ પહેલા પણ તેઓ સીએમ રહી ચુક્યા છે. તેમનું નામ મોખરે છે. કારણ કે ભાજપ મહાગઠબંધનમાં સૌથી મોટી પાર્ટી છે. ભાજપ પાસે 132 ધારાસભ્ય છે. આ સિવાય નાની પાર્ટીઓ અને અપક્ષનું પણ સમર્થન મળ્યું છે. અપક્ષોના સમર્થનથી વિધાનસભામાં ભાજપની સંખ્યા વધીને 137 થઈ ગઈ છે. ભાજપને પોતાના દમ પર સરકાર બનાવવા માટે માત્ર 8 વધુ સીટોની જરૂર છે. આવી સ્થિતિમાં, તે સ્પષ્ટ છે કે મહાગઠબંધનમાં તેમનું સૌથી મોટું કદ છે. આને ધ્યાનમાં રાખીને ભાજપ મુખ્યમંત્રી પદ માટે ફડણવીસનું નામ આગળ કરી રહ્યું છે. એટલા અઢી વર્ષ સુધી દેવેન્દ્ર ફડણવીસ સીએમ રહેશે, ત્યાર બાદ એકનાથ શિંદે સીએમ બની શકે છે.
દેવેન્દ્ર ફડણવીસને સીએમનો જુનો અનુભવ
જ્યારે એકનાથ શિંદે શિવસેનાથી અલગ થયા ત્યારે ભાજપે ઓછા ધારાસભ્ય હોવા છતા તેમને સીએમ બનાવ્યા અને દેવેન્દ્ર ફડણવીસને ડે. સીએમ બનાવ્યા હતા. આ પછી પણ દેવેન્દ્ર ફડણવીસે ક્યારેય વિરોધ કર્યો નથી. તેઓ પાર્ટી પ્રત્યે સમર્પણ સાથે કામ કરતા જોવા મળ્યા હતા. તેઓ ભાજપ સરકારમાં સીએમ પણ રહી ચૂક્યા છે. આ વખતે પણ ભાજપ મહાગઠબંધનમાં સૌથી મોટી પાર્ટી છે, તેથી તેમના માટે મુખ્યમંત્રી બનવાની વધુ શક્યતાઓ છે.
અમિત શાહ અને સંધનો સાથ
દેવેન્દ્ર ફડણવીસ માટે રાહતની વાત છે એ છે કે અમિત શાહ અને સંઘનો સાથ તેમને મળ્યો છે. એટલુ જ નહી તેમને આરએસએસનું પણ સમર્થન છે. ચૂંટણીના પરિણામ બાદ દેવેન્દ્ર ફડણવીસ આરએસએસ પ્રમુખ મોહન ભાગવતજીને પણ મળ્યા હતા. આવી સ્થિતિમાં દેવેન્દ્ર ફડણવીસ સીએમ પદના સૌથી મોટા દાવેદાર સાબિત ખઇ રહ્યા છે.