વાવ પેટા ચૂંટણીને આડે ગણતરીના દિવસો બાકી, રાજકીય પક્ષો મેદાનમાં, સી.આર.પાટીલ ભાભરમાં પ્રચાર કરશે.

વાવની પેટાચૂંટણીમાં ખુબ જ જંગ જામ્યો છે. ચૂંટણીને હવે ગણતરીના જ દિવસો બાકી છે. ત્યારે બન્ને રાજકિય પક્ષો મેદાને છે. આજે ભાજપ, કોંગ્રેસ બન્નેના પ્રદેશ પ્રમુખ ચૂંટણી માટે પ્રચાર કરશે. તેમજ સી. આર. પાટીલ પણ ભાભરમાથી પ્રચાર કરશે. તેમજ બેઠક કરશે.

મુખ્ય પ્રધાન, ગૃહ પ્રધાન અને ધારાસભ્યો બાદ હવે ભાજપ પ્રદેશ પ્રમુખ સભા સંબોધન કરશે. આ તરફ કોંગ્રેસ પાર્ટીની શક્તિસિંહ ગોહિલ પણ વાવમાં સંમેલનમાં જોડાશે. તો અમિત ચાવડા, ધારાસભ્યો સહિત યુથ કોંગ્રેસ મેદાનમાં છે. બીજી તરફ અપક્ષ ઉમેદવાર માવજી પટેલ પણ પૂર જોશમાં પ્રચાર કરી રહ્યાં છે.

જુઓ અહીં ક્યારે છે પેટાચૂંટણી
વાવ વિધાનસભાની ખાલી પડેલી બેઠક પર આગામી 13 નવેમ્બરમના રોજ મતદાન થશે. જ્યારે 23 નવેમ્બરના રોજ પરિણામ આવશે. વાવ વિધાનસભા બેઠક પર નજર કરીયે તો કુલ 3 લાખ 10 હજાર મતદારો છે. તેમજ 321 મતદાન મથકો પર કુલ 1412 અધિકારીઓ ચૂંટણી ફરજ પર રહેશે. પેટા ચૂંટણીમાં સભા,રેલી સરઘસ કાઢવા માટે મંજૂરી લેવી પડશે.